Debagoieneko Kaleratzeak Stop! plataformak protesta ekitaldia eta sinadura-batzea egin ditu Arrasateko Seber Altube plazan, eguerdian. Etxebizitza duin baten alde izan da leloa. 20 bat minutuko kale-agerraldia egin dute hainbat herritarrek. Euren esanetan, 2013. urtea "haserrea erakutsiz eta konpromiso zehatzak eskatuz" hasi nahi izan dute.
Plataformak herritarrak animatu ditu "finantza eta espekulazio-botereek diseinatutako esklabutza mota krudel hau baztertzen dutela erakustera".
Hainbat lagun animatu dira Hego Euskal Herrian eta Espainian egiten dabiltzan kanpainan parte hartzera, sinadura utzita. Helburua da ahalik eta sinadura gehien batzea, etxebizitza-husteen gaineko proposamen bat Espainiako Gorteetara eraman ahal izateko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.