Aurten 100 urte beteko ditu Mondra futbol elkarteak. Bada, mendeurrena ez dute modurik onenean hasi, taberna itxi egin behar izan dute-eta. Zergatik? Udalak eskatutako gutxieneko baldintza batzuk betetzen ez dituelako, baina batez ere taberna kudeatzen jarraitzeko gogorik ez dutelako: "Ezinduendako egokitzapen lanak egin behar dira besteak beste, eta lan horiek egiteko dirurik ez daukagu. Horren gainetik, baina, ez dugu tabernarekin jarraitzeko gogorik, klubari ez diolako inolako ekarpenik egiten", adierazi digu Fernando Laspiur zuzendaritza taldeko kideak.
Udalarekin harremana ona izan dela argi utzi gura izan du Laspiurrek eta taberna ixteko arrazoi nagusia klubari inongo mesederik ez diola egiten izan da: "Tabernak ez du ondo funtzionatu. Lan handia bai, baina irabazirik ez klubarendako. Hiru urtetan egon da zabalik eta apenas eman du dirurik. Hala, taberna ixtea erabaki dugu".
Laspiurrek gaineratu duenez, epe motzean ez dute beste tabernarik irekiko: "Ez dugu horretan pentsatu".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.