Aurtengo emaitzak okertu egingo dira, beraz, datorren urtea. Izan ere, abendua BPGa %1 jaitsita, langabezia %14,9ko tasarekin eta 2,4 puntuko inflazioarekin bukatuko da, kooperatibak esan duenez. Datorren urtean, bakarrik inflazioa ez da handituko.
Espainiarako aurreikuspenak ere jakinarazi ditu Euskadiko Kutxa-Ipar Kutxak: BPGa %1,4 txikitzea eta %27ko langabezia tasa.
Xabier Egibarrek, Negozio garapen zuzendariak, eta Azterketa saileko zuzendariak, Joseba Madariagak, eman dituzte datu horiek. Gaineratu dutenez, Espainiak erreskatea eskatuko duen edo ez aldatu egingo dira iragarpenak.
Azaldu dutenez, Espainiak erreskatea eskatuko duela uste dute merkatuek, eta, eskatu ezean, zorra asko kostatuko dela esan dute.
Europaren krisia bukatzeko konponbideak, Egibarrek esan duenez, erdiko herrialdeek barne-eskaria handitzea (kontsumo handiagoak ekonomia haztea eragiteko) eta zailtasunak dituzten herrialdeendako doikuntza gehiago izango lirateke. Doikuntza edo ajuste horiek, esan dutenez, denbora luzeagoan aplikatu beharko lirateke, eta "sinesgarriagoak" izan beharko lirateke.