"Ikuskizun zoragarria izango da, Kursaala ere bete berri dute eta kritika oso onak izan dituzte gainera", azaldu digu Alberdik. "Nik uste dut orain sei urte egon zenak errepikatu egin duela; eta orduan egon ez zenari esango nioke galdu ezin duen ikuskizun zoragarria izango dela", dio. Hala, kontzertua polita eta borobila izango denaren bermea duela gaineratu digu Karmelo Alberdik.
Gospel emanaldia, domekan hilaren 23an, Amaian izango da 20:00etan hasita.
Gospel talde saritua
The Mississippi Mass Choir 1988an sortu zen. Abesbatzak hainbat sari jaso ditu AEBn, Europan, Japonian eta Latino Amerikan. Frank Williams, Jackson Southernaires ospetsuen kidea da taldearen sortzailea, Mississippiko bihotzean fundatutakoa. David R. Curry da zuzendaria.