Bideoan ikus daitekeen moduan Ruiz de Azuak justo-justo gainditu zuen listoia. Txapelketa jarraitzen zebiltzanek arnas hartzeari utzi zioten orduan, tarte batez, listoiak eutsiko ote zion ikusteko. Eta bai, eutsi zion, atleta, entrenatzaile eta zaleen poztasunerako. Hala, Arrasatekoak marka berri batekin egingo du datorren urtean junior mailara salto, Espainiako errekor berria 3,86an ezarrita.
Zapatuko txapelketan Malen Ruiz de Azuak zazpi salto egin zituen guztira. Lehenengo saltoa 3,22 metroko marka egiteko izan zen, eta hortik aurrera zailtasunean egin zuen gora. Azkena, berriz, 3,86koa izan zen.