Eguraldi txarra dela-eta, Herriko plazan egitekoa zen emanaldia Biteri plazan egin dute azkenean. Inguru osoan, ikusle piloa txalo egiten eta argazkiak ateratzen, gehienak aita-amak eta aitaita-amamak, neska-mutikoak ikusteaz harro-harro. Dantza hauek egin dituzte: gorulari mistoa, txakarrankua, esku-dantza, jorrai-dantza, makil txikiakikoa, banakoa, arku-dantza, txantxoak, soso-dantza, txulalai eta arin-arin eta fandangoa.
Neska-mutikoek dantza egin dute eta gurasoak, aitaita-amamak eta lagunak dantzan ipini dituzte gaur iluntzeko emanaldian. Primeran ibili dira Txikitxu taldeko 60 ume eta Lore Gazteak taldeko 40, hamabi txistularik eta dantza irakasleek lagunduta. Txalo eta animu-oihu mordoa jaso dituzte.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak