Arkada Socialek 'Beste istorio bat' diskoa aurkeztu du Ahotsenean

Arrasateko Arkada Social taldekoak ere Ahotsenea gunean aurkeztu dute azken lana:'Beste istorio bat'; kantu berriez gainera, beste lanetakoak ere sartu dituzte ordu erdiko errepertorioan. Emanaldia bukatuta, gustura ziren taldekideak laburra izan bada ere, kontzertuari etekina aterata. Zaleak ere gustura arrasatearrekin kantuan; Hodei abeslariaren esanetan, emanaldiaren hasieran jende askorik ez bazegoen ere, minutuak aurera egin ahala betetzen joan da karpa. Taula gainetik jaitsita, Maukaren stand-era joan dira diskoak sinatzera. Maukakoak ere gustura dira, besteak beste, Arkada Social taldearen lanak izan duen eskaeraz.