Gabonen bueltan eskaintzen dituzten ohiko kontzertuen harira, abenduaren 15, 20 eta 31rako egitaraua prestatu du Arrasate Musikalek.
Hilaren 15ean izango da aurreneko hitzordua, San Frantzisko elizan. Txistulariak Goikobalu abesbatzarekin batera 20:00etan elkartuko dira, eta zenbait pieza eskainiko dituzte. Banda Gazteak eta Goikobalu Txiki eta Gaztek Pepe Iantziren Otsango, Anme Miren de Kruzlegiren Gora Ikastolak, Luis Aranbururen Belenen Jaio da eta Aita Hilario Olazaranen Mendigoizaleak interpretatuko dituzte.
Jarraian, nagusien txanda izango da, eta Gabonetako Sonatatxoa, El Banco de Mendiguren, Ai Hau Gauaren Zoragarria, Bigarren Kalez Kale, Mesias Sarritan, Gabiltzan Klaez-kale, Gurea Da! eta Olentzero interpretatuko dituzte.
Abenduaren 20an berriz, 18:30ean izango da hitzordua Kulturaten, eta kasu horretan, Arrasate Musikaleko ikasleak izango dira protagonista.
Eta abenduaren 31n aldiz, Amaia antzokian Arrasate Musikaleko bandak gabon zaharreko urteroko kontzertua eskainiko du, 13:00etan hasita.