Zapatuan Arrasateko pilotazaleek amateur mailako puntako torneoaz gozatu ahal izango dute, finalerdietan, gainera. Kanporaketa erabakigarri horiek 18:00etan hasiko dituzte.
Etxekoek, egubakoitzean
Asteburuko zubia tarteko etxeko pilotari gehienek atseden hartuko dute. Norgehiagoka bakarra izango da Uarkapen, egubakoitzean, 20:00etan hasita. Seniorreko hirugarren mailan Beñat Arabaolaza eta Oier Arregi Arrasateko pilotariek Andoaingo Gaztelekukoak izango dituzte aurrean.
Bestalde, errendimendu ligan dagoeneko final-laurdenetan daude. Hala, Arrasate Pilota Taldekoek Aitor Murgiondorekin, Ander Muruarekin, eta Iker Bengoarekin egingo dute aurrera. Kluben Arteko Txapelketan, berriz, joan den astean kadeteetan Beñat Iturriotzek eta Xabier Etxeberriak 10-22 galdu zuen Allerruren kontra, eta Josu Egiak eta Joseba Garatek 5-22 irabazi zieten Eplekoei
