Arrasateko Bai Euskal Herriari taldeak Durangoko Azokararako dei egin du eta autobusa antolatu du

Durangoko Azoka, euskal kultura eta sorkuntzaren topalekua, ate joka da, eta horren harira autobusa antolatu dute Arrasateko Bai Euskal Herrari ekimenetik. Taldekoek diotenez, abenduaren 8an, zapatuan, "hamaika aukera izango dira gozatzeko: liburuen aurkezpenak, hitzaldiak, tailerrak, jolasak, komikiak, mahai inguruak, bideoklipak, film laburrak, antzerki maratoia, diskoen aurkezpenak (Gose, Anger…), Barrura begiratzeko leihoak... eta Herrira noa lipdub-a", beste batzuen artean. Hala, proposatzen dute joaneko bidaia autobus publikoan egitea Durangora, eta itzulerarako, autobusa antolatu dute.