'Arrasate 1936: emakumea, gerra eta errepresioa' dokumentala saritu dute Lekeition

Dragoi Produkzioak Arrasateko ekoiztetxeak, azaroaren 27tik abenduaren 1era arte ospatu den Lekeitioko 35. Euskal Zine Bileran bigarren saria eskuratu du dokumental profesional sailean. Saritutako lana Intxorta 1937 kultur elkarteak sustatutako 'Arrasate 1936: emakumea, gerra eta errepresioa' dokumentala da. Epaimahaiak lanaren funtsa orokorrean, artxiboan egindako lana eta lekukoei egindako elkarrizketen balioa kontuan hartu ditu saria ematerako orduan.