Ez dira batere gustura itzuli Iker eta Igor Orobengoa Alcañizetik; batetik, haraino 15 bat laguneko taldea joan eta lasterketa egin barik itzuli behar izan dutelako; eta bestetik, izugarrizko potentziadun autoekin topo egin dutelako bertan: "Ezberdintasun handiak zeuden autoen artean, asko izugarrizko potentziadunak, izugarrizko abiaduran zebiltzanak eta txikion gainetik pasatzeko gertu; hori ez zaigu gustatu", azaldu du Igor Orobengoak.
Lehenengoz joan dira Alcañizeko lasterketara eta hori "ordaindu" egin dutela uste du Igorrek. Hala ere, zer dagoen jakinik ez dute baztertzen datorren urtean itzultzea: "Arantzatxoa geratu zaigu, eta ea datorren urtean heltzen garen", dio.