Hiru aktore eskenatokian, euren talentua baino apaingarri gehiagorik gabe: Anartz Zuazua, Asier Sota eta Julen Vega aktorean, hain zuzen ere, eurek osatzen dute-eta Borobil antzerki taldea.
Eszenaratze bitxiarekin eta alfonbra bat apaingarri bakar gisa, Ali Baba eta 40 lapurrak klasikoaren bertsio bizia egin zuten eta berehala harrapatu zituzten ikusleak, ume zein nagusiak. Izan ere, adin guztietarako obra da Borobil taldekoek Arrasatera ekarri zutena.
Hiru aktore, 40 pertsonaia
Aktore lana da obrako elementurik garrantzitsuena eta berrogei pertsonaia ageri dira, nahiz eta taula gainean hiru aktore bakarrik egon.
Hiru aktoreon interpretazioarekin batera, argiztapenak, musikak eta efektu ezberdinek eszenetan sartzen lagundu zieten ikusleei. Zenbait momentutan ikusleen barreak ere entzun ziren.