Patruila bat gertakariaren lekura joan zenean emakumezkoarekin berba egin eta hark kontatu zien bere bikotekideak ezpainean zauria eragin ziola borrokaldi baten ostean, eta sukaldeko altzarien kontra ere bultza egin ziola eta bizkarrean kolpea hartu zuela.
Emakumezkoari entzun eta gero bikotekidea atxilotu egin zuen Ertzaintzak. Etxean bertan zegoen eta onartu egin zuen gertatutakoa.
Emakumezkoa Eskualde Ospitalera eroan zuten.
Bestalde, Herrizaingo Sailetik gogora ekarri dute genero biolentziaren biktimak artatzeko 24 orduko telefeono bidezko zerbitzua dagoela: 900.840.111 edo 016.
Gaur elkarretaratzea
Bestetik, martitzenean, Araian, bikotekideak hil zuen Tere Egurrolaren hilketa salatzeko, elkarretaratzea deitu du gaurko Emakumeen Aurkako Indarkeriaren plataformak 19:00etan, Herriko Plazan.