Urteroko ohiturari jarraituz, Arrasate Herri eskolak antolatutako gaztaina-erre dastatzea egingo dute azaroaren 30ean, egubakoitz honetan. Hitzordua 17:00etan izango da herriko plazan eta Guraso Elkarteko kideak arratsaldeko 15:30etik aurrera lanean egongo dira bertan, ordurako jatekoa prest edukitzeko.
Udazkeneko ohiko jakiak izaten dira gaztainak, eta aurreko urteetan bezala jende ugari espero dute herri eskolakoek. Deialdia gainera irekia da, eta herritar guztiak gonbidatuta daude.