Badatoz AEDren literatur lehiaketak, aurten Debagoiena osora heltzeko asmoz

• Lehiaketa honetan Debagoienean bizi, lan egin edo ikasten duen edonork parte har dezake.

• Euskarazko obra originalak eta inoiz saritu edota argitaratu gabekoak aurkez daitezke soilik.

• Gaia librea da lehiaketa guztietan

• Parte hartzaile bakoitzak nahi beste lan aurkez dezake

• Idazlanak tarte bikoitzez eta orrialde bakar batetik ordenagailuz idatzita aurkeztu behar dira.

• Lan guztiak lelo batez sinatuko dira.

• Lanak aurkezteko bi modu egongo dira aukeran:

  • Posta elektronikoz bidalita. Bi dokumentu bidali beharko dira helbide honetara: aed@aedelkartea.com. Dokumentu batean, lehiaketara aurkeztutako idazlana joango da, lelo batez sinatuta eta egilearen izenik gabe. Bestean, berriz, honako datu hauek zehaztuko dira:

    • Idazlanak daraman lelo bera

    • Egilearen izen-abizenak

    • Helbidea

    • Posta elektronikoa

    • Telefono zenbakia

    • Ikasturte honetan zein mailatan dabilen

  • Paperean inprimaturik bidalita. Idazlanaren hiru kopia aurkeztu behar dira, lelo berarekin sinatuta hiruak. Horrekin batera gutun azal itxi bat aurkeztuko da, barruan arestian aipatutako datu guztiak zehaztuko direlarik.

• Lanak AED elkartearen egoitzara bidali edo eraman behar dira: aed@aedelkartea.com edo AED elkartea. Pablo Uranga 4, behea. 20500 Arrasate.

• Lanak aurkezteko epea 2013ko martxoaren 22an bukatuko da.

• Epaimahaia AED elkarteak aukeratutako pertsonek osatuko dute

• Finalisten zerrenda 2013ko maiatzaren 10ean kaleratuko du epaimahaiak AED elkartearen web gunean (www.aedelkartea.com) eta hedabideen bitartez

• Behin betiko irabazleen izenak 2013ko maiatzaren 16an egingo den sari-banaketa ekitaldian jakinaraziko dira.

• Aurkeztutako lanek gutxieneko kalitaterik ez balute, sariak hutsik uzteko erabakia har dezake epaimahaiak.

IPUINA

POESIA

BERTSO-PAPERAK