Ikusmina piztu du Askapenak antolatutako hitzordu bereziak

Arrasateko Askapenak hitzordu hirukoitza antolatu du gaur Erdiko kaleko Arrasate tabernan: Centauro Saher venezualarrak bere herrialdean emandako prozesu boliviarraren gaineko hitzaldia, afaria eta kantaldia. Ikusmina piztu du, hitzaldira 20 bat lagun bertaratu dira-eta. Saioa hasi aurretik Xabi Llodio Askapenako kideak aipamen berezia egin dio Palestinako egoerari eta egubakoitzerako kontzentraziorako dei egin du: "Gazako sarraskiaren berri izan dugu orain baina denok dakigu zer gertatzen den egunero Palestinan. Askapenak, kontzentraziora joateko dei egiteaz gain, Israelen indarkeriari boikotaren bidez erantzutera animatu gura ditu herritarrak".