Hain zuzen ere, Ikutixo inguruan ibili ziren; Uribarri auzoko Ekutioarroan gora egin eta Txilibito basotik zehar Baztergain ingurura joan ziren. Handik Baztergai-azpira egin zuten (argazkia bertan ateratakoa da), eta baserriaren ostean dagoen burdi-pistatik Telleria baserrira jaitsi ziren, Ikutixo ingurura, hain zuzen ere.
Urtzi Mendizabal biologoak eta Pello Garai Ingurumen Saileko teknikariak azalpenak eman zizkieten, "oso interesgarriak", partaide baten esanetan. Besteak beste, Ekutio errekaren gainekoak azaldu zizkieten eta baita inguruko landareen gaineko xehetasunak ere.