Obra eta hirigintza atalean ere bada aipagairik; esaterako, ADIF (Administrador de Infraestructuras Ferroviarias) enpresari errekeritzea Bostateko iturriko ur sareko kalteak konpon ditzan; Zalduspe-Osinaga oinezko pasabidea konpontzeko proiektua idazteko adjudikatzea; Anboto kalerako sarbidea egiteko obren esleipena; Otalora kaleko albiziekin (zuhaitz mota bat) neurriak hartzeko proposamena (Taupa parekoarekin, esaterako) eta Deba errekaren ur bazter ondoan, Kontzezino aurreko espaloiaren egoeraren berri ematea.
Horrez gainera, pare bat salaketa ere landuko dituzte gobernuko kideek, tabernen zaratekin lotutakoak: Olarteko Etxoste tabernak eta Ferreriasko Ostantz tabernak eragindako zaratekin lotutakoak, alegia.
Eta euskara atalean aztertuko dute Badihardugu elkarteak Arrasateko Ahotsak proiektua osatzeko egindako dirulaguntza eskaera.