Eszenatokia kantu on eta jarreraz bete zuten Ricky C abeslariak eta taldekideek. Kantu azkarrak, letra zuzenak eta ikuskizun motza. Kalean dituzten bi lanen errepasoa egin zuten zapatuan, Small Species single-a eta The Ricky C Quartet Lp-a hain zuzen.
Lehenengoz Euskal Herrian
Egin zitzaien harreraz oso eskertuta zegoen Londreseko laukotea. Izan ere Arrasate bisitatzen zuten lehen aldia zen, eta euren aurpegiak ikusita, azkena ez dela izango argi zegoen.
Dirty Brothers
Gaua amaitzeko Dirty Brothers igo ziren taula gainera, eta ohitura den bezala, kanta sorta polita eskaini zuten. Hala ere, sorpresa bat utzi zuten amaierarako, Frontkick eta Oi!The Arrase taldeko abeslaria zen Victor Bisonte, Arrasatekoekin hiru kantu abestu zituen. Momentu hunkigarriak bizi ziren zapatuan momentu hobeak gogoratzen.