Ia inoiz ikusi ez bezalako onddoa jaso zuen eguenean Maxi Rodriguez arrasatearrak. Eguraldi ona aprobetxatuz, mendi buelta bat eman eta perretxiko batzuk batzera irten zen lagun batekin batera, eta sekulako sorpresa hartu zuen halako baten: bi eskuekin ondo heldu beharreko onddoa aurkitu zuen!
Poztu ez ezik harritu ere egin zen. Izan ere, sasiek ezkutu samarrean gordetzen zuten arren onddoa, ehiztari dezente ibiltzen den tokian zegoen.
Basoan barrena asko murgiltzeko beharrik gabe aurkitu zuen, beraz, altxorra Rodriguezek. Non? Toki zehatza ezin jakin. Aramaion, Kurtzeta inguruan, Arrasatetik 14 bat kilometrora… Ziurtasunez dakiguna da San Andreseko fruta denda batean, bere auzoan, 1,900 kilo pisatu zuela onddoak. Honezkero, zerbait gutxiago!
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.