Azoka biziberritzeko planak bigarren fasea hasi berri du. Hau da, orain arte ideietan zentratu badira, proiektuari berari forma ematera igaroko dira datozen hilabeteotan GUreztatuko lagunak.
Bagarako Nagore Iraolak bertaratutakoen artean ilusioa igartzen zela nabarmendu du: "Lanerako prest, ilusioz ikusi ditugu deialdira gerturatu zirenak. Pentsatzen genuen moduan, gainera, jende ugari etorri da". Hain zuzen ere, 40 bat pertsonek hartu zuten parte martitzenean, "udal ordezkariak, herri eragileak eta herritarrak".
Lanean hasteko unea
Datozen asteetan lantalde ezberdinak martxan ipintzea da orain asmoa. "Horretarako, interesatzen zaien taldean eman dute izena: batzuk finantziazio gaia landuko dute, besteek kudeaketa eredua edota proiektu arkitektonikoa".
Ez dute adierazi hurrengo bilerak noiz egingo dituzten. "Talde bakoitzak bere denbora beharko du gaia lantzeko, izan ere, zenbait gairi forma ematea beste batzuei baino errazagoa izango dela badakigu".