Arrasate Zientzia Elkarteak Arrasateko iragana astintzen hitzaldi zikloaren baitako aurreneko hitzordua eskainiko du gaur iluntzean Alvaro Arrizabalagak.
Arkeologo ezagunak urteak daramatza Arrasateko eta Euskal Herriko aztarnategi arkeologikoak aztertzen, hain zuzen ere, Labeko koban eta Lezetxikin indusketak egin ditu. Bi aztarnategi horiek oso garrantzitsuak dira Euskal Herriko historiografiarentzat. Labeko Koban Châtelperroniar kulturako aztarnak aurkitu zituzten. "Duda gabe Alvarok iraganeko Arrasate irudikatuko digu".
Sare sozialen bidezko jarraipena
Arrasate Zientzai Elkarteak berbaldia sare sozialen bidez jarraitzeko aukera egongo dela eman du jakitera. Twitter bidez izango da, hashtag-a sortu du horretarako, #AZEHistoria.