Gipuzkoako Elikagaien Bankurako batzen dabiltza oinarrizko elikagaiak egunotan Eroskin. Oiartzunen dago kokatuta Gipuzkoako Elikagaien Bankuko egoitza nagusia duela 15 urtetatik eta Bergaran joan zen urtean hasi ziren horrekin.
Krisi garai honetan, gainera, eskaera asko ugaritu dela kontatu digu Agirrebeñak: "Ideia bat egiteko, joan zen urteko apirilean Debagoieneko eta baita Beasain, Mutriku, Deba, Eibar, Elgoibar inguruko zortzi entitateri (udaletxeak, Caritas, etorkinen elkarteak...) banatu genien jana, guztira 282 pertsonari. Gaur egun, baina, 32 entitateri banatzen diegu jatekoa eta guztira 2.200 pertsonatik gorak jasotzen dituzte guk batutako elikagaiak".
Beraz, garrantzitsua da herritarrek horrelako janari bilketetan euren laguntasuna ematea. Eroskin batzen dabiltza arroza, dilistak, olioa, esnea, pasta eta kontserbak, besteak beste. Eta Agirrebeñak esan digu momentuz erantzun ona duela ekimenak eta jendeak laguntzen duela ahal duen heinean.