Arrasateko Udaleko Prebentzio Zerbitzuak, Arizmendi Ikastola eta Institutuarekin elkarlanean, 'Gatazken Prebentzioa eta ebazpena: Eskola erasoa' hitzaldia antolatu du, DBHko ikasleen gurasoei zuzenduta. Hitzaldiaren helburua da gurasoei seme-alabei gatazka egoeretan mezu egokiak helarazteko estrategiak eskaintzea. Azaroaren 26an izango da, 18:00etan, Kulturateko Loramendi gelan, 3. pisuan.
Etxadi Familia-Psikologia Unibertsitate-Zentroko aditu batek emango du hitzaldia eta bertara joateko aurrez eman behar da izena: azaroaren 16a baino lehen, BAZera (010) edo Gizarte Zerbitzuetara deituz (943 25 20 07) edota prebentzio@arrasate-mondragon.net helbidera idatzita.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.