Hamahiru talde arituko dira aurten Zaldibarko Txapelketan eta zapatuan hasita, 2013ko ekainera bitartean jardungo dute; 23 jardunaldi izango dira orotara.
Uste baino talde gutxiagok hartuko dute parte aurtengoan. Txapelketako antolatzaile Jose Anjel Tenaren iritziz belaunaldi aldaketak eragin du parte hartzaileen kopurua jaistea: "Gabiltzanak beteranoak gara gainera, 16-28 urte bitarteko gazterik ez dago. Toki guztietan ari da gertatzen berdina, belaunaldi berriei beste gauza batzuk interesatuko zaizkie, ziurrenik".
Azken urteetan Zaldibarko txapelketako parte hartzaileen kopuruak beheranzko joera hartu du eta . "Gure asmoa talde gutxi egonda, denok ahalik eta gehien jokatzea da". Zenbait ideia dituzte buruan antolatzaileek 51. ediziorako, Kopako bi partidu egitea, bi fasetan banatzea... "Ikusteke dago nola antolatuko garen". Zapatu eta domeka goizak Zaldibarren igarotzeko unea hasiko da beraz, zapatuan.
Lehenengo jardunaldia
Zapatuko partiduak:
10:30 At. Betrayer - Sonografos
11:30 Aston Birra - Fidel & Discipulos
12:30 Iluntz - Iriztu
Domekako partiduak:
10:30 Lasagabaster - Ostantz
11:30 Haizea's Weah - Iluna Tab.
12:30 Aldatz - Dribling