Hain zuzen, kalitate hori erakusteko irrikan dago Arrasatekoa: "Handia izango litzateke garaipen batekin izango balitz". Caja Ruraleko ziklista berriak uste du taldean kalitate oso handiko txirrindulariak daudela, jende azkarraz, gorantz ondo dabilen jendeaz; gauza politak egingo ditugu".
Gazteei laguntzeko ardura
Txirrindulari gipuzkoarrak gaineratu zuen beteranoen ardura izango dela taldea gidatzea, emaitza onak lortzen saiatzea eta gazteen ondoan egotea: "Iaz oso lan ona egin zuten, eta uste dut aurten talde hobea dugula". Hala, Arrasatekoak onartu zuen beste eskaintzaren bat izan zuela: "Baina Caja Ruralekoek hasieratik egin zidaten berba garbi, taldean nahi nindutela, eta hemen nago".
Hala, Eugenio Goikoetxeak azpimarratu zuen Ivanen fitxaketaz taldearen bizkarrezurra osatu dutela: "Arroyorekin eta Txurrukarekin batera talde polita osatu dugu denboraldiko lasterketa garrantzitsuetarako. Seguru nago Velascok emaitza onak lortuko dituela, gure partetik, oso pozik gaude gurekin dagoelako".Hala, oraingoa asteburuan Tuterara joango da taldea, denboraldiko lehenengo kontzentrazioa egitera.