Jostailuak etxera eraman aurretik haur zein gurasoek probatzeko aukera izango dutela nabarmendu dute antolatzaileek: "Askotan, jostailuak eskatu ondoren eta etxean ditugunean, ez dira guk uste bezalakoak eta umeek ez dituzte erabiltzen, baztertuta uzten dute. Hau gerta ez dadin, aukera ezin hobea da Jostailu Erakusketa. Jostailua kaxetatik atera eta nola jolasten den jakiteko aukera eskaintzen dugu. Horrela jostailuak arrakasta gehiago izango duela ziurta dezakegu". Hala, haurrak helduekin joatea gomendatu dute, helduek haurren gustuak ezagut ditzaten. Gurasolandia 2012 (egutegi osoa)>
Gurasolandia ekimenaren barruan jostailu erakusketa izango da azaroaren 8an eta 9an Kulturateko Jokin Zaitegi gelan, 17:30etik 20:00etara. Txatxilipurdikoek egin dute gonbidapena: "Arratsaldeko tarte bat euskarazko jostailu berriak ikusten eta probatzen pasatzea proposatu nahi diegu Arrasateko eta inguruko jende guztiari. Eskaintza oso zabala da eta adin tarteka sailkatuta egoteaz gain, jostailu motaren arabera ere egiten dugu sailkapena. Adin tarte guztientzako jostailuak egongo dira".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak