Arrasateko saskibaloi saileko jokalari, entrenatzaile eta arduradunek ekitaldia egin dute herriko plazan. Lehen nazional mailan diharduten jokalarietatik saskibaloi eskolan diharduteneraino. Guztiak, elkartu dira argazkiak egiteko. "Duela hiru urte abian jarritako proiektua martxa onean doa. Josu Larreategi da proiektuaren zutabe nagusia", esan digu Gorka Zurutuzak, Ointxeko kirol zuzendariak.
Saskibaloi festa 11:30ean hasi dute. Saskiak ipini dituzte plazan eta jokoan ibili dira neska-mutikoak: elkarte barrukoak eta elkartean ez daudenak. 12:00etarako MUko kamisetak jantzi eta taldeka argazkiak egin dituzte: senior mailako hiru talde, gazte mailako bi, hiru kadeteak, hiru infantilak, eta saskibaloi eskolakoak: bi talde alebinak eta benjaminak.
Bide batez, aurkezpen ekitaldia aprobetxatu dute bazkide kanpainari eta Gabonetako loteriaren salmentari bultzadatxoa emateko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.