"Gu gaineko etxebizitzan bizi gara eta kea ikusi dugulako jakin dugu sute txikia piztu dela. Baina ez da ezer gertatu", kontatu du 9. atariko bizilagunetako batek.
Eta izan ere hala izan da. 12:05 inguruan jaso dute deia suhiltzaileek. Berehala martxan jarri eta hiru kamioirekin etorri dira: "Badaezpada. Ze sua ke xurgagailuaren barruan zegoen, baina tximiniatik gora egin izan balu, edo armairuak harrapatu…", azaldu du suhiltzaileetako batek.
Azkenean, baina, laster antzean lortu dute sua emendatzea. Eta kalteak ez dira larriak izan: "Ke xurgagailua bera erre egin da, eta sukaldea belztuta dago kearekin eta su-itzalgailuengatik, zikin. Baina kalteak sukaldera mugatu dira".