Asteon irekiko ditu ateak neguko aterpetxeak Arrasaten. Negua luzea izaten dela eta, 2013ko martxoaren 31ra bitartean egongo da irekita. Arrasateko Udaleko Gizarte Zerbitzu sailak kudeatzen du neguko aterpea eta zerbitzu ezberdinak emango dizkiete bertaratzen direnei: lo egiteko tokia, komuna, gosaria...
Aurten gainera, zerbitzu berri bat ipini gura izan du martxan Caritasek. Jaki beroa prestatzea izango dute helburu eta xedea betetzeko, gizon-emakumeen bila dabiltza, hau da, astean behin bazkaria taldetan prestatuko luketen boluntarioak behar dituzte. Horacio Argarate Arrasateko parrokoak orain arte ogitarteko bat ematen zitzaiela adierazi du. "Plater batetan zerbait beroa jateko aukera ematearekin urrats bat haratago goaz". Uribarriko elkarte bat prest agertu da sukaldea erabili dezaten.
Boluntario moduan aritzeko edo informazio gehiagorako, 638 524 710 telefonora zenbakira deitu.