Arantza Otadui AZEko kideak jakinarazi duenez, espazio itxietan zehar egingo dute bisita: "Udazkeneko giro euritsua dela-eta, Harresi aretoa, San Juan bataiatzailearen parrokia, udaletxeko arkupeak eta Kultur etxea bisitatuko ditugu". Azalpenak, neurri handi baten, inprobisatuak izaten direla esan digu Otaduik eta beraz, bisita bakoitza ezberdina izaten da. Mokadutxoa egiteko aukera egongo da, gainera.
Lehen bisita, arrakastatsua
Joan den zapatuan egin zuten lehen bisita irailean zehar Ibai Arte txartela erabiliz erosketak egin eta sarituak izan ziren herritarrekin. Lehen saioan 18 lagun elkartu ziren.