Kurtzetxiki mendia gizarteratzeko egitasmoak aurkeztuko dituzte astelehenean

Arrasateko Udalak hiru egitasmo eramango ditu aurrera Kurtzetxiki mendiaren balioa ezagutzera emateko: arrasatearrei Kurtzetxiki mendia hurbiltzeko (aisialdia, ibilbidea, ondasun kulturala…), basoa berreskuratzeko (artadia) eta lehen sektorea (ganadua, zelaiak…) bultzatzeko egitasmoak. Jendaurrean aurkeztuko ditu datorren astelehenean, hilak 29, 18:00etan, Kulturateko Loramendi gelan; bertan izango dira Besaideko kideak, landa auzoetako alkateak eta baserritarrak, eta horiekin batera ahalik eta arrasatear gehien batu gura du Udalak. Animatzeko deia egin die herritarrei.