Blanca Roncalek esan du euren helburua bete dutela, izan ere, azaldu du herritarrak kontzientziatu dituztela domekan botoa ematera joateko eta botoak daukan garrantziaz ere hitz egin digu. "Oso animatuta nago, izan ere, guretzat garrantzitsuena zen jendea mobilizatzea, kontzientziatzea domekako botoaren garrantziaz, eta aldaketa bat ikusten joan naiz jendearen jarreran kanpainako lehenengo egunetik azkenengora. Orain jendea dago... ez noa esatera gogotsuago, baina bai interesatuago domekan bozkatzera joateko. Hori zen gure helburua"
Sozialistak Arrasatera itzuli dira kanpainako azken egunean. Egubakoitzetan azoka egiten dela aprobetxatuz izan dira alderdi sozialistako kideak eguerdian arrosak banatzen. Bertan izan dira, besteak beste, Paco Garcia, Aritz Arrieta, eta Raquel Diaz, zinegotzi sozialista arrasatearrak; Blanca Roncal, Gipuzkoako hautagai zerrendan hirugarrena eta oraintxe arte Eusko Legebiltzarreko lehen lehendakariordea izan dena; eta Miren Gallastegi, zerrendako laugarrena.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak