120 sarrera saldu ziren atzokoan. Sarrera ona, baina, esandako moduan, ikuslegoa ez zen larregi mugitu. Nabarmentzekoa da, era berean, Kooltur-en bereizgarri den puntualtasuna atzo ez zela bete; 22:20ak jota hasi zen kontzertua. Gainerakoan, ohiko bezain ongi irten zen gaua: askok zuzenean ezagutzen ez genuen talde bat ikusteko aukera izan genuen antolatzaileei esker. Datorren eguenean Glaukoma taldeak joko du.
Bastards on Parade talde galiziarraren bisita izan genuen atzo gaztetxean. Ikuskizun ederra eskaini zuten nahiz eta ikuslearekin ez zuten 'feedback' larregi lortu. Punk-rock landua, erritmo biziak eta folka eskaini zuten eta agertokian larregi mugitu ez baziren ere, egiten dutenarekin izugarri gozatzen dutela argi utzi zuten atzo. Dropkick Murphys edo Real McKenzies taldeak ekarri zizkiguten gogora, izan ere, ohiko instrumentuez gain, talde galiziarrak mandolina, gaita eta txirulak tartekatu zituen emanaldian zehar.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak