Ekitaldi jendetsua izan da. Eguraldiagatik tokiz aldatu behar izan dute ekimena, Herriko Plazatik Kulturatera, hain zuzen. Aurkezpenen ostean Pello Urizarrek hartu du hitza eta berriki sinatutako Edinburgoko Akordioa izan du hizpide aurrena."Eskozian gertatutakoa, normala da. Horixe da normaltasuna, horixe demokrazia. Normaltasun hori nahi dugu guretzako ere, Euskal Herrirako ere".
Jarraian, subirotasun politiko eta ekonomikoz aritu da, eta baita Aieteko Adierazpenaz ere. Aieteko Adierazpenaren urtemuga pasa berritan, Euskal Herria Bilduk duen konpromisoa erabatekoa dela gaineratu du Urizarrek.
Politikariaren ostean herritarren txanda izan da. Batzuek beraien botoa zergatik emango dioten adierazi dute (emakumearen egoera, baserritarren aldeko apustua, presoen eskubideak...) beste batzuk kantatzera ere animatu dira, gitarrek lagunduta.
Gitarrak lagun, kantua ere egon da ekitaldian
Urizarrek gaurko ekimenean adierazi du, domeka pasata, astelehenetik bertatik lanean jarraituko dutela "asko baitago egiteko, eta lortzeko".