Ezkutuan eta isilik
Argazki aproposa lortzeko hegaztiak berarengana hurbiltzea lortu behar izaten du, eta hori ez da erraza; ezkutalekuan, edo hide deiturikoan, sartu eta geldi-geldi egon behar izaten du: "Hegaztiek entzumena eta ikusmena oso garatuta daukate eta berehala konturatzen dira inguruan zerbait arraroa gertatzen bada. Reflexak argazkia ateratzerakoan egiten duen klik horrek ere uxatu egiten ditu askotan".
Harrapariak gustukoen
Hegazti guztiak ditu gustuko arrasatearrak, baina kontatu digu harrapariek ematen diotela atentzioa. "Azkenaldian arrano beltzaren atzetik ibili naiz eta duela pare bat aste lortu nuen argazkia. Baina ez da nik nahi dudan argazkia; beraz, itzuli egin beharko dut nahi dudan argazkia ateratzeko".
Ateratako argazkiak blogera igotzen ditu (http://inigojimenezbanos.blogspot.com.es). Zaletasun ezezaguna den arren, Interneten mugimendu handia dagoela kontatu digu: "Jendeak esaten dit zoratuta nagoela [Barre], baina uste dutena baino zaletasun zabalduagoa da".
