Garraxi Arrasateko talde gazte bat da, punkaz gain beste estilo batzuk ere lantzen dituena. RIPen izpiritua barneratu eta bestelako ibilbidea egiten jakin duten gazteek osatuta. Belaunaldi berrien isla.
Piztu Punk! proiektua RIP, Obligaciones eta beste hainbat taldetako kideek osatzen dute. Oso gutxitan egiten dituzte kontzertuak eta haien errepertorioan kantu rockero indartsuak dira nagusi, Euskal Herrian dagoen frontman harroputzenetarikoa abeslari dutela.
Insershow Kataluniatik datoz. 2003an 'oodi Social, Monstruacion, LSD eta beste taldeetan aritutako zenbait txakur zaharrek erabaki zuten aldarrikapeneko jaialdietan kantu ezagunak jotzeko taldea sortzea. 80ko hamarkadatik gaur egunera arteko Euskal Herriko eta Kataluniako 100 abestiko kantutegia dute eta publikoa beraiekin abestera gonbidatzen dute.