Iban Velasco txirrindulari arrasatearrak Caja Rural taldearekin fitxatu zuen atzo, astelehena. Pekingo Itzulian lan aparta egin ostean –sailkapen nagusian hamaikagarren izan da– hartu du urtebeterako konpromisoa. Gaur, martitzena, Caja Ruralek Amets Txurruka eta Omar Fraile aurkeztuko ditu Bilbon, eta Arrasatekoaren aurkezpena, seguruenik, datorren astean egingo dute, Arrasaten bertan: "Pozik nago. Caja Ruralen beste modu batean korrituko dugu, ziklistok askeago ibiliko gara eta nire aukerak izango ditudala uste dut. Talde horretan ez dut besteendako lan egin beharko", adierazi diio Velascok Goienari, gaur goizean.
Horrekin batera, Arrasatekoak Txinan egindako denboraldi amaiera onaz egin du berba: "Pekingo Itzulia oso ondo etorri zait. Halako lasterketa bat behar nuen, nire buruari aurrean egoteko kapaz naizela erakusteko. Datorren urterako oso garrantzitsua zen aurten konfiantzaz amaitzea".
Hala, Caja Rural poliki-poliki talde polita egiten dabil 2013ra begira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.