PSE-EE alderdiko Eusko Legebiltzarrerako Gipuzkoako zerrendaburu Iñaki Arriolak hauteskundeetarako kanpaina Arrasateko Laubide plazan hasi du. Bertan, Arriolarekin batera, Arrasateko alderdi sozialistako kideak eta Jesus Egiguren izan dira, besteak beste. Arriolak nabarmendu du hauteskunde kanpaina kalean egingo duela, gizarteari bere programa aurrez aurre azaltzeko asmoz.
Arriolak esan du Iñigo Urkulluk plan sekretu bat duela, hauteskundeak irabazi ezkero murrizketak egingo dituela uste baitu. EH Bilduri ere zuzendu zaio, esanez independentziarekin ez direla konpontzen arazoak. PPri dagokionean, bestalde, Rajoiren murrizketak aurrera eramango dituela uste du.
Gipuzkoako zerrendaburuak dio PSE-EE dela Ongizate estatua bermatzeko aukera bakarra.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.