Antolatzaileek eguenerako, hilak 11, Berriketan taldea iragarri bazuten ere, ez da posible izango, azken orduko arazo bat tarteko: taldeko txalapartarietako batek min hartu du eskuan eta, ondorioz, ezin izango dute kontzerturik eman. Horren ordez, La Pulga & Lagunak taldearen flamenko ikuskizuna izango da Arrasateko Gaztetxean, 22:00etan, Kooltur Ostegunak ekimenaren barruan.
Askoa Etxebarrieta 'La Pulga' Gasteizko flamenko dantzari ezaguna da eta aurretik Arrasaten egin zuen emanaldian ikusleak txundituta utzi zituen. Berarekin batera ariko dira: Simon Moreno, gitarra jotzen; Gilillo, kajoiarekin; eta Miguel Angel 'El Penique' flamenko-kantaria.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.