Kooltur Ekintzak taldearen aste honetarako asmoa, flamenkoa eta txalaparta batzen dituen Barriketan egitasmoa eskaintzea bazen ere, taldeko txalapartariak min hartu duela-eta eguenerako proposamena eraldatu egin behar izan dute antolatzaileek, esentzia bera badu ere: flamenkoa. Eguenean, urriaren 11n, La Pulga eta lagunak, Arrasateko gaztetxean, gaueko 22.00etan.
Taularen gainean izango dira: Askoa Etxebarrieta, La Pulga, dantzaria; Simon Moreno gitarrajolea; Migel Angel El Peñique abeslaria eta Gilillo pekusioan. Flamenko tradizionalaren erakustaldi indartsua egitera datozela segurtatu dute taldekideek: "Arima botatzera goaz" diote.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.