Kanpantzar harrobiari buruz, hiru errekurtso ditu aurkeztuta enpresak: orain egiten diharduten Udalatx barruko ikerketaren jarraipenaren gainekoa (gaur jakinaraziko dute horren epaia), isun baten kontrakoa, eta oro har, enpresak Kanpantzarren jarduteko lizentziaren gainekoa. Azken biak, beraz, oraindik erabakitzeke ditu Administrazio Gaietarako Epaitegiak.
Iturripe kiroldegiari dagokionez, berriz, eraikin osoa berritzeko proiektuaz gainera, kiroldegi beraren estalkiaren egitura konpontzeko obren adjudikazioa ere mahai gainean izango dute gobernuko kideek.
Ikuskizunen ordutegia
Arrasateko asfalto lanekin lotuta, bestalde, herriko beharrak jakinarazteaz gainera, lanak egiteko proposamena ere aurkeztuko dute. Eta Hirigintza kontuekin bukatzeko, Gorostiza auzoan bideak hobetzeko proiektua behin betiko idazteko irizpideak finkatuko dituzte.
Bestelako gaien artean, berriz, pare bat aipatzearren, jendaurreko ikuskizun eta jolas-jardueren ordutegiari buruzko agindu osagarria eta Kulturaten pintura ikastaroak emateko zerbitzuaren kudeaketa ere izango dituzte gobernuko kideek gaurko aztergaien artean
