Batzuk dotoretuta hasi dute eguna, bezeroekin eurekin ere jai-giroa partekatuz. "Behingoz gaur nagusi izango naiz lanpostuan", esan digu Ekaitzek, Bolintxon diharduen Zigorrolako semeak.
Anak, berriz, dotoretzen hasi du eguna Richi ilepaindegian.
Kalean, gaurko egunarekin lotutako deialdi misteriotsuak ere aurkitu ditugu, Arbolapetako arbolaren bueltan.
Txosnak ere gertu-gertu daude, eguerdi partean karpa zabaltzeko. Gainera, edalontzien berrerabilpenerako deialdi eta guzti datoz.
Baina, duda barik, dataz kanpo, Herriko plazan goizean goiz azaldu den makala dabil herritar guztien artean harridura eragiten. "Kontxo! Maritxuk dagoeneko egin du miraria!", da gehien entzuten den esaldia. Edozelan ere 20:30ak arte itxaron beharko dugu, miraria borobiltzen duen jakiteko.
