Euskarazko koordinatzailea Mikel Aierbe irakaslea izango da eta Juana Luana Lopez de Muniain arduratuko da, berriz, gaztelerazko solasaldiez. "Irakurraldia partekatzeko asmoz sortu zen eta zenbait kasutan idazlea bera ere ezagutzeko aukera egoten da. Urteetan zehar sendotzen joan da ekimena eta dagoeneko kopuru polita lortu dugu. Hala ere, ikasturte berria hasi dela aprobetxatu gura dugu jende berria erakartzeko, gazteak bereziki", adierazi du Asun Agiriano bibliotekako arduradunak.
Euskarazko saioak
Euskarazko saioetan honako liburuak izango dituzte hizpide: Joseba Sarrionandiaren Narrazio guztia (1979-1990) urriaren 30ean, Stefan Zweigen Xake nobela azaroaren 17an eta Harkaitz Canoren Twist abenduaren 30ean. 18:30etik 20:30era elkartuko dira, Kulturaten.