Musikari moduan hasi zuen ibilbide profesionala baina bakarlari moduan egin da ezagun, telebistan batez ere. El club de la comedia, Se lo que hicisteis, Buenafuente eta El hormiguero saioetan kolaboratu izan du, besteak beste.
Musika eta elkarrizketa
Guaporen emanaldiak musika eta elkarrizketa uztartzen ditu. Elkarrizketa da, eta ez bakarrizketa. Hau da, Guapok harremana du ikuslearekin, inpresioak konpartitzen ditu. Barreak bermatuta daude, beraz.
"Ea nola funtzionatzen duen"
Bakarrizketa formatua lehen aldiz ekarriko du Udalak Amaiara. Kultura Saileko Karmelo Alberdiren arabera, Monterronen egindako Bodologoak saioak arrakasta handia izan zuen: "Jende asko egon zen eta oso gustura egon ziren. Azkenaldian ondo funtzionatzen duen formatua da eta aukera zegoen ekartzeko. Amaiara ez dugu sekula ekarri; ea nola funtzionatzen duen".
Sarrerak salgai
David Guapo aukeratu dute azkenaldian jende asko mugitzen duelako. Sarrerak salgai daude kutxa.net-en, 943 001 200 telefono zenbakian edota antzokiko leihatilan. Sarrera 15 euro ordaindu behar da.