Gazteluondo eta Olarte eskolen inguruan ur-ihesa izan dute 08:30ean. Santa Barbaratik beherako bidean dagoen estolda batean. Teknikariak emandako informazioaren arabera, trabatuta zegoen estolda hori, eta ura pilatu denean kanpora atera da. "Ikusgarria izan da, baina ez da larria; orain teknikari bat etorriko da hodia apurtuta dagoen edo ez ikuskatzera", kontatu du.
Eskolara sartu aurretik izan dute zer ikusia Gazteluondoko ikasleek, estoldatik ura irten eta irten egon da-eta. Olarteruntz joan da, eta patioko zati batean ur apurtxo bat pilatu da, baina ez du eragozpenik eragin.
Ur-ihesa etenda dago une honetan. Hala ere, teknikari bat joango da egoera ikuskatzera, ez dakite-eta, hodia apurtuta egongo den edo ez.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.