Zenbait desberdintasun izango ditu aurtengo egitarauak. Hala, aurreko urteetan ez bezala, aurten ez da rock kontzerturik egongo festetan. Antolatzaileek adierazi digutenez, talderen bat eramaten saiatu diren arren, azken orduko arazoak medio, ezinezkoa izan da hitzordurik antolatzea. Egitarauko beste aldaketa bat, aurten Gorritiren animalien ordez Bergara aldetik ekarriko dituztela zezenak.
Baina buzkantzak dira ezbairik gabe festetako protagonista handienak, eta horren erakusgarri da urtero hauek dastatu asmoz bertaratzen direnek osatzen dituzten ilara luzeak. Egubakoitz eta zapatuan, 18:00etan hasita emango dituzte auzoetxean Arrasateko Otamendi eta Agirretxe harakinek ekoiztutako buzkantzak. Dena prest dago jaiari hasiera emateko, ongi pasatzeko gogoa bakarrik eraman behar da bertaratuz gero.
Egitaraua
Irailaren 28xen, eguakotxa
19:00 Jaixen hasierie, ikuriñe igo eta etxaflero jaurtiketie
19:30-21:30 Arrasateko trikitilarixek ibiliko die kalejiran
22:30etik aurrera ERromerixia Txinparta taldiaz
03:00 Berakatz zopie
Irailaren 29xen, zapatue
12:00 Meza Samigelen oroimenez
12:00-14:00 Puzgarri eta Tailerrak Txatxilipurdiren eskutik
17:30 Bergarako zezenak egongo die, nagusi zein umiendako
22:00 Dantzaldixe Lide eta Eneritzekin
Irailaren 30ien, domeka
10:00 Garagartzako VIII. Kobate Open futbol partiduek
11:00 Meza nagusixe
13:00 Txikitxu taldiez euskal dantzak
14:30 Auzo bertso-bazkarixe, Zigor Enbeitia, Manex Agirre eta Xabi Igoarekin
- Barikuen eta Zapatuen buzkentzak egongo die atsaldeko seiretatik aurrera, auzoetxien