Euskaraz bizitzeko deia eginez jai giroan pasatu zuten arratsaldea ume, gazte eta helduek, atzo. Euskaraz bizitzeak merezi duela aldarrikatzeko gainera, esfortzua egiteko gertu agertu ziren asko, eta takarraran jardun zuten plaza inguruan. 5 eta 6 urteko neska-mutikoek hasi zuten ekitaldia eta 15-17 urte artekoek itxi umeen tartea. 19:00etan helduen txanda izan zen eta 5 kilometro ziren egitekoak. Azkenean hiru bira eman beharrean herrian zehar bi bira eman zituzten antolatzaileek hala aginduta.
Euskaraz bizi nahi dut leloa paparrean hartuta ia 500 lagunek egin zuen takarraran atzo, zapatua, Arrasateko plaza inguruan. Horietatik gehienak umeak eta gazteak izan ziren 400 bat, eta helduak 90 inguru. Jai giro bikaina sortu zuten guztien artean eguraldi ederra lagun.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak