Arrasateko Greba Batzordeak –LAB, STEE-EILAS eta ESK sindikatuek eta beste zenbait eragileek osatutako batzordeak, tartean Ezker Abertzalea edo Arrasateko gaztetxea– deitutako manifestazio zaratatsuak arrakasta izan du. Txilibitu, adar zein danbor hotsez, arrasatearrek herriko kaleak astindu dituzte irailaren 26ko greba orokorrerako herritarrak kontzientziatzeko helburuaz.
"Giroa beroatu" eta "herritarrak aktibatzeko" helburua izan duela manifestazio zaratatsuak azaldu digute batzordekoek. Hala, protesta zaratatsuak, "askorendako oharkabean" pasatzen ari den egoerari aurre egin nahi diola gaineratu digute; "Konplexurik gabe eta denok batera, indarrak biltzeko ordua da", azpimarratu dute. Amaieran, bihar, Donostian, Bilbon eta Gasteizen egingo diren manifestazioetara joateko deia egin dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.